公仔箱嘅「碎碎」短短幾個月，忽然變身做咗千萬富婆，自然成為城中熱話，不過佢啲錢唔係玩魔術變出嚟㗎！
有人踢爆碎碎俾個有老婆嘅有錢佬照顧，加上近排佢喺做嘢方面，又再搞事搞非，負面新聞多到用個籮都載唔晒，終於辣㷫咗公仔箱啲高層，於是打佢入冷宮，下令佢放大假幾個月，碎碎咪飛去外地避靜囉。
唔驚狗仔隊
但係有個老友同關仁講，碎碎表面上係去外地避靜，但實際係陪老細遊埠，又食又玩之餘仲有得瘋狂購物，而最緊要係玩足幾個月都唔使驚有狗仔隊跟住晒，平時做嘢咁忙，公仔箱根本冇可能畀佢放大假，所以今次碎碎絕對係塞翁失馬，焉知非福啦！
Textby關仁
