郭羨妮及曹敏莉等昨日於旺角為美容店開張擔任剪綵嘉賓，大會安排兩人於旺角街頭派利是，吸引大批市民圍觀。郭羨妮穿的一襲白色低胸裙較為搶鏡，她說：「點會搶鏡呀，大家都咁靚。」對於有消息指陶大宇與前妻復合，她說：「唔好講呢啲嘢喇，都過咗咁耐囉。」她又謂現時處於單身：「我都恨拍拖㗎，不過呢啲緣份冇得講。」
解凍拍劇
郭羨妮表示11月會為無綫拍劇，問到是否已獲解凍，她說：「我一向都有工作做，之前都去咗韓國幫無綫做嘢。」對於好友佘詩曼被指與鄭嘉穎撻着，郭羨妮說：「我唔知，如果係真我會祝福佢，係先算喇。」此外，曹敏莉雖然性感程度較遜色，但依然大讚郭羨妮，她說：「我又唔係做豐胸開張，今日做美容嘛，咁佢好靚，身形仲好fit。」
採訪：王崇穎
攝影：陳順禎