張達明前晚在九龍灣國際展貿中心舉行首場棟篤笑「張達明萬人大篤笑之人仔無敵」，一班好友謝天華、倪震、蘇玉華、劉青雲、周永恒與女友趙頌茹齊齊捧場，不過林子萱和谷德昭這對緋聞情侶比較鬼祟，故意前後腳到場。
為了搞笑，張達明不惜把奧運金牌選手郭晶晶和林丹擺上枱，又扮體操王子李寧點燃聖火。不過，他與男子組合ADay拍檔rap歌時，卻甩嘴又甩beat，講笑話期間又爆粗，難怪前晚演出列明不准12歲以下小朋友入場，達明說：「唔講粗口唔到肉。」談到在棟篤笑中大談婚後的性生活不如意，他說：「直頭陰功，好耐冇日頭做過，我講出大部份有細路人嘅心聲。」
至於前來捧場的謝天華被問到洪天明和周家蔚最近傳出婚訊，他說：「我睇見佢（周家蔚）手上有心形鑽戒，我問佢係咪發咗達。」他又謂天明講過結婚是其願望，天華說：「希望佢願望成真。」
採訪：卓寶花 攝影：陳順禎
張達明前晚演出棟篤笑騷，令現場觀眾笑破肚皮，拍爛手掌，當中有五個笑位最令人忍俊不禁。
笑位1 自挖夫妻閨房事
已婚的張達明取笑太太愛買鞋，他說：「我結婚後睇到老婆80對鞋，仲以為自己娶咗隻蜘蛛返屋企。」他又自爆婚後性生活不如意，達明說：「生咗小朋友，影響兩夫妻親熱，我哋要靜雞雞行埋，時間又拖長啲，又唔敢發出咁多聲，我懷念未婚前一頸咖喱雞好狂野，𠵱家俾個仔見到會問我係咪條頸損咗。」
笑位2 扣威吔燃點聖火
奧運雖告一段落，但開幕式上體操王子李寧點燃聖火的一幕令人印象深刻，張達明都有仿效，他扣上安全帶吊上離地十多呎，作狀燃點聖火，可是威吔帶卻令他出現「激凸」情況。
笑位3 中華鱘換郭晶晶
張達明拿國家隊奧運金牌選手跳水女王郭晶晶和羽毛球金牌得主林丹來開玩笑，他說：「國寶可以救巿，送咁多條中華鱘，不如三條換一個郭晶晶好過，咁會快啲唔使等霍啓剛。楊千嬅𠵱家練習緊羽毛球，我贊成佢媾林丹，追個國寶返嚟好過。」
笑位4 醜新娘自稱傅穎
張達明穿上婚紗，戴上假髮扮新娘，不時做出托胸的動作，他還問觀眾反應：「我靚唔靚？我好有誠意，特登剃咗胳肋底毛，我係傅穎。」
笑位5 笑嘉玲早嫁早着
劉嘉玲和梁朝偉早前在不丹舉行世紀婚禮，張達明乘機揶揄香港中女，他說：「走去不丹結婚，即不再單拖，自己唔使再埋單，好彩嘉玲早過郭台銘幾日結婚，唔係會俾人話台妹勝港中女。」
