宣萱自與牙醫男友分手後，一直享受單身一族的生活，日前有報道指她跟已故大慈善家梁銶琚的後人拍拖，昨日宣萱在將軍澳電視城拍攝新劇《施公奇案》時，表示完全不認識報道中的人，更直斥報道是一篇廢話，她說：「聽日係陳大文、後日係陳小明，路過行過又話我同佢拍拖？」
宣萱的戀事，大家都很關心，05年跟醫生男友陳建緯分手後，一直未見再拍拖，日前有報道指宣萱有新戀情，男方是家族顯赫、已故大慈善家梁銶琚的後人，昨日宣萱在電視城古裝街拍攝無綫新劇《施公奇案》，在酷熱天氣下穿着貼身魚仙服飾，對報道表現得有點不耐煩。
「租20萬不如供」
對於新戀情的報道，宣萱說：「係就好呀，話我拍完《施公》就唔使撈，以前講嗰個人識得都得啖笑，𠵱家嗰個我唔識，唔需要講，一篇廢話，娛樂新聞太失控喇，搵個人我完全唔識，我冇個朋友叫呢個名，啲嘢屬實少少，查清楚先講，唔識呢個人點拍拖？聽日陳大文，後日陳小明，路過行過又話我同佢拍拖。」
宣萱被指居住月租市值20萬元的半山樓王玫瑰新邨，她說：「租畀我嗰個係女人，唔係男仔，租屋價錢啱咪租，我唔會知佢做咩，有幾多個仔女，呢樣嘢同我冇關。嗰度租20萬？冇咁貴，唔該去check吓個價先，我可以租20萬樓，不如我去供樓，仲可以好輕鬆。」
拍拖非自己話事
至於拍拖的事情，宣萱說：「唔係我話事，隨緣喇，開工未有時間，收工先喇。本來打算每年只係拍一部劇，今年連續拍咗兩套，拍完呢套都會休息，去北京探媽咪、爹哋。」
此外，有份拍攝《施公奇案》的歐陽震華，非常關心宣萱的感情生活，更第一時間向宣萱查問，他笑說：「佢話唔係，冇咁嘅事，如果係就好，我都有幫佢留意，不過佢要求高，連我都唔啱，我先去結婚。」問到宣萱會否是戀情未穩定，所以不想講？歐陽震華說：「真係唔知喎，佢話冇，咁對住我又毋須講大話。」
採訪、攝影：楊潔雯
