現年26歲的余文樂與鄭伊健憑恐怖驚慄電影《第一誡》，奪得今年韓國第12屆富川電影節的影帝，在事業上獲獎的樂仔表示沒有半點興奮，至於面對盛傳情場失意亦沒半點愁眉，樂仔說：「𠵱家明白娛樂圈嘅遊戲規則，對事物開始睇化晒！」
電影《第一誡》講述年少氣盛的新紮師兄余文樂，被調派到警察部一個特別部門，由資深的鄭伊健訓練他，專門處理一些與靈異有關的案件。
余文樂在新加坡導演唐永健執導的《第一誡》中，聯同拍檔鄭伊健，雙雙奪得韓國第12屆富川電影節影帝，該片日前在港上映，惜票房一般，獲獎的余文樂強調沒有因此而影響生活，他說：「得獎當然開心，但係冇影響工作心態，因為呢個係開始，以後要做得更加好。」
「伊健唔知得獎」
余文樂回想當初踏入電影圈時，很希望在30歲前取得獎項或成就，如今初嘗這種滋味，卻沒有半點興奮感覺，他說：「鄭伊健比我更冇反應，佢連得獎都唔知，個人睇得好化，我認為有冇獎都係要做，自己冇特別慶祝，但係好多人打電話恭喜我。」
明白遊戲規則
事業得意，但有傳余文樂情場失意，其緋聞女友黃伊汶（Emme）在公開場合表示以後不想再提樂仔，連是不是朋友也不想談，余文樂坦言仍有與Emme聯絡，他淡定回應：「如果唔係咁寫，又點會有娛樂性？我冇乜所謂，人哋點講我唔理，亦唔會影響到我心情。𠵱家明白娛樂圈嘅遊戲規則，對事物開始睇化！」
採訪：張俊銘 攝影：葉君海
化妝：JennyTziong 髮型：BenYeung
場地：Racksbilliardsrlub：mdb@蘭桂坊
