無綫劇集《溏心風暴之家好月圓》已播至尾聲，劇情越來越緊湊，收視爆燈，帶挈劇中演員有不少搵真銀機會，其中在劇中飾演「攞女阿月」的楊怡，前晚直認近來收入暴增，並且已賺夠錢可以支付買樓首期和換車，難怪她笑言趁劇集播大結局前再乘勢努力搵錢。
楊怡憑無綫劇集《溏心風暴之家好月圓》中的「攞女阿月」一角人氣急升，前晚她應邀到銅鑼灣，出席「SoleTown2008秋冬預演」的鞋騷，現場行騷包括有CaraG.和MandyLieu等，出席嘉賓還有陸詩韻、Angelababy及吳雨霏（Kary）等。
恭喜米雪賀天明
談到《溏》劇收視理想，楊怡坦言此劇為她帶來不少賺錢機會，她說：「雖然套劇未播完，但我已賺夠買樓嘅首期，我仲想換埋車㖭。呢個月我會努力再搵多啲錢，不過買樓就未諗住，都係搵咗車先。」
有傳同劇的米雪會和尹志強結婚，楊怡表示自己剛從澳洲返港，未有時間了解，不過若是真的，她會很恭喜米雪。另外，楊怡曾經與洪天明傳緋聞，對於天明近日傳出婚訊，楊怡說：「真係唔知，如果係佢會同我講，但冇收到通知，聽到都幾意外，佢千祈唔好唔記得請我飲，我都戥佢開心。」
Kary家有百對鞋
此外，Kary表示家中有過百對鞋，其中不少都是高踭鞋，她特別訂做一個大鞋櫃來放鞋，並為每對鞋拍照，然後把照片放在相簿，她每天都是看相簿揀鞋襯衫。
Kary說：「我有好多衫同手袋都同媽咪share，我好孝順㗎，特登買好多衫褲大家都啱着，我媽咪好潮，短裙短褲佢都會着。」
採訪：張俊銘
攝影：陳俊強