近日在家休息，從公仔箱睇到殘奧運動員在比賽中嘅堅毅精神，令我心中佩服不已；人生受到挫折不要緊，最緊要保持鬥心，總有捲土重來嘅一日。兜了一個圈，今次貼士只是想推介兩支英國低組別嘅班霸，伯明翰同列斯聯，支持佢哋重振雄風，早日重返頂級賽事角逐。
射手菲臘斯蓄銳爆發
揸住一支心儀嘅球隊，小弟甚少用完即棄（但近月長追日聯大阪飛腳反底，輸到焦頭爛額），所以兩周前雖然貼伯明翰作客諾域治被迫和，輸半個盤，但前者經過上季內亂嘅一個球季後，人腳大致變動不大；更有老牌射手菲臘斯不跟隨西布朗升英超，留在英冠投靠這支中部名牌球會。事實上經過國際賽後，這位今季4戰聯賽已入3球嘅老鬼，會有充足體力掛帥；難得球會多位國腳麥法頓（蘇格蘭）、施巴斯坦拿臣（瑞典）及米克泰萊（北愛）平安歸隊，加上前鋒加利奧干納、謝路美及中場拿夫廸又得以藉這段時間讓傷勢康復過來，可候命上陣，今場迎戰主場特勁、作客一般嘅升班馬唐卡士打，單W1.57倍必開，可博「讓球主客和」的「主勝」。
列斯聯英甲「大」超班
另外，上周在「神迹部落」提過自己中正英甲列斯聯贏克魯嘅5:2呢個125倍波膽；加埋之前睇過該隊踢聯賽盃同周中睇英甲精華片段，已確認列斯聯不會重蹈覆轍，穩以大超班身份升班。該隊陣容不重名氣，以當打主力及青訓球員為主，單是前鋒碧福特已具威脅，雖然斯洛伐克中堅米查歷克停賽，但作客讓史雲頓平/半實屬合理，對入球「大」極具信心，但博讓球盤頂多輸半格，不能不兼顧。
近5場往績：WL///
蘋果波神
水準有目共睹，長跟必有着數。