網上討論區熱烈馬後炮，大家對自由黨這個「太子爺黨」直選全軍PK表示哀悼。紅酒商即時大手入貨，預計這批落選的太子爺雖然丟了議席，身家不會縮水，會有更多時間品紅。田少表示樂得去湊孫，有尿片商諗緊請佢做換片代言人。網友認為田二少輸得最唔抵，冇理由輸俾鼠王芬。網友估計係毓民沒有罵過他，選情欠缺火花反而太靜局，做唔成師奶殺手。亦有網友估計電車男錯誤將票投給劉千石，以為佢兩位殺手係同一名單。千石、北辰，又幾似連環漫畫主角:-/
明星效應這一屆仆直，石哥和辰哥就是箇中受害者。阿叻做完奧運俾觀眾鬧到七彩，叫他助選簡直倒米:-x
蔡菜子輸到喊，福建幫明知民建聯跣蔡大姐一鑊，敢怒卻不敢言。刻薄網友為蔡大姐安排落選出路，叫她參加殘奧，事關她被民建聯搞足三屆，肯定心靈受創兼身心俱殘:-o
霍震霆永遠自動當選，網友有信心下屆（包保唔會跌棒）接棒的是霍郭晶晶:-@