新科「黑人」議員接受英文電視台訪問時大出洋相，「最好」講成「胸部」，比着以前可能俾傳媒笑一兩日，之後港人通常都會淡忘；不過𠵱家短片網站流行，以後只要打入陳黑人3個字，即刻會彈番嗰段訪問片段出嚟，加埋高登仔嘅惡搞版本，黑人唔想再瘀皮，就要聽陳慧琳呼籲，好好學英文。
小弟相信睇得多英超波，對英文肯定有幫助，所以周六場英超大戰利物浦對曼聯，一定要支持；我同鍾意紅軍嘅仙道彬講，如果呢一生只賭一場波，我都會平手盤撐利物浦，我講得出，做得到。
讓球：利物浦（平）
心得：利物浦破宿命好時機
近5場往績：LW///
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！