古巨基前晚在尖東一間酒店舉行新碟好聲試機會，雷頌德也有捧場，基仔的新碟《GuitarFever》共有兩個版本及五個封套，除了發行普通CD外，又會出24K發燒碟，為了率先試機，故特別安排一部價值300萬元的專業器材即場試播，問到基仔是否見李克勤推出的發燒碟反應理想，他又跟風推出？他說：「唔係，係因為呢個市場有咁需要，我同克勤嘅錄音方式都唔同，不過今次嘅成本好高。」基仔又指為了聽靚聲，會用數萬元添置新音響器材。
高難度拍封面
基仔今次為了拍封面照，付出了很大運動量，他說：「林海峰幫我搞封套，佢要我瞓喺地當企起身擺甫士咁，好有難度，影完相我條頸痛咗五日。」
採訪：李佩洳
攝影：陳志嵐