禮拜日係中秋節，𠵱家人大咗冇乜感覺，不過細個嗰陣就好鍾意呢個節日，事關可以同啲鄰居一齊玩燈籠、爆蠟同煲蠟。雖則爆蠟同煲蠟呢兩個玩意相當危險，但細路嗰陣邊度識死，淨係知道好刺激同好好玩。仲記得嗰陣時自己好有創意，將啲唔同顏色嘅蠟燭煲熔後，再倒入個膠樽仔成七彩蠟燭。
中秋正日冇乜心水，反而喺迎月嗰日就有好介紹。熱刺喺今季英超出閘脫腳，頭3場聯賽都贏唔到，但呢班波人腳唔差，而且領隊拉莫斯都算係有料之人，就博佢哋迎月呢日開齋，主場贏阿士東維拉而攞到聯賽首場勝利。
主客和：熱刺勝
心得：唔信熱刺4場都贏唔到
近5場往績：WL///
青蛙仔
睇德國波同埋英國波大，大個之後攻埋日本波，兼且對日本藝能界幾有研究。