又到中秋，人月團圓係幾千年來的傳統，一家人在家做節賞月雖然溫馨，但一搞九大簋，真係做到阿媽都無心機，所以大時大節，不如出街食，講到中秋應節，室內食飯始終欠點氣氛，最好除了應節菜式，還有賞月靚景，相信一連三日的中秋假，做到「家好月圓慶中秋」。
記者：張一豪
攝影：王文忠、楊錦文
尖沙嘴─露天食心思粵菜
一家人吃過晚飯再賞月，是每年中秋節的指定節目。想一次過賞月兼食飯，全港有不少地方可以選擇，但菜式口味要合一家大細，最穩陣還是粵菜，在海洋中心八月居，有室內亦有露天座位，在點點秋意之下，吹吹海風，一邊看維港景，一邊欣賞月色，再嚐嚐一些帶應節色彩菜式，最啱唔想四處走家庭。
在中秋假期三日間，會供應中秋晚餐，當中四人餐有八道菜，菜式有竹笙海皇燴魚翅、蠔皇刺參伴柚皮、雙冬燜星斑翅、芝麻脆香雞、巴馬火腿泡時蔬、迷你桶仔飯、薑茶湯圓及中秋芋茸月餅，其中以蠔皇刺參伴柚皮及湯圓、芋茸月餅最應節，另外巴馬火腿泡時蔬，亦相當有特色，入口無金華火腿的濃，但配魚湯底調味，加點點生火腿令鮮味特別。四位用$1,280，如加人數，每位$320，相當有彈性。
如果人多，可點有九道菜的十人晚餐，包括八月居潮粵拼盆、生拆蟹肉冬茸燴生翅、翡翠炒星斑球、毛豆醬大蝦碌、柚皮扒大鴨、瑤柱花膠翡翠蔬、黃金帶子炒飯、亦有薑茶湯圓及中秋芋茸月餅。這個餐十位用$2,680，加人一位$268，比四人餐抵食。當中毛豆醬大蝦碌加入上海菜風格，又保持粵菜鮮味與鑊氣，是師傅推介。
蠔皇刺參伴柚皮散點$138/位
四人餐內菜式之一，以肉厚的金柚皮做，燜得入味，入口毫無苦澀味，吸收所有配料的精華，入口濃香軟綿綿，清淡而惹味。
毛豆醬大蝦碌散點$128
十人餐內菜式，師傅傑作之一，看似茄汁蝦碌，但其實毛豆醬是師傅秘製，入口香甜，蝦肉做得很爽。
血燕炒蛋白（足2両）$198
特別推介！血燕用上湯煨過，加入蛋白去炒，表面加金華火腿，又滑又香。
八月居（29920232）
尖沙嘴廣東道17號海港城海洋中心401舖
鍾氏一家試食
銅鑼灣─近維園「鮮」得月
好多人喜歡到維園賞月，位於銅鑼灣的漁喜就在維園旁，食完飯去玩都十分方便，由於店舖有大落地玻璃，望出去亦沒有霓虹燈光影響，食客晚上亦可欣賞月夜景色。這裏亦是以粵菜為主，每日提供新鮮海魚，當晚會有應節菜式，如柚皮扣鵝掌、仁月團圓等，而師傅推介鴻運海鮮球及杏仁茶擂沙湯圓等，如果人多又喜歡食海鮮，推介「中秋自選海鮮全包宴」，在約20款海鮮菜式中可選其中8款，當中有紅燒鮑參肚翅、白灼海生蝦、豉椒焗本地龍蝦、清蒸游水海星班、豉汁蒸蟶子王、金蒜排骨糯米蟹、陳皮蒸鮮鮑魚等等，12位一席$3,380，可選6位半席$1,800。更抵有7味菜的4人套餐$688！晚飯過後，走幾步就到維園，參觀花燈節，好方便！
柚皮扣鵝掌$138
中秋必食柚子，晚飯有柚皮亦特別應節，這個柚皮亦做得鬆化入味，看出師傅花上不少工夫。
鴻運海鮮球$138
乒乓波般大看似蝦丸，原來內裏加有花枝、魚肉等海鮮料，彈牙又有口感，加上酸甜醬，不油膩，令人特別開胃。
仁月團圓$98
人謂月兒像鹹蛋黃，在這個菜上得到印證，聖瓜魚湯浸大蝦球，加隻鹹蛋黃，節日氣氛出晒！
漁喜海上鮮（28826001）
銅鑼灣京士頓街9-11號地下
旺角─鬧市中的月光
香港旺角朗豪酒店ThePlace有個開放平台，是九龍旺區少有的賞月好地方，中秋正日做中西日自助餐，有過百款中、西、日美食選擇，最特別是在新舊交替的石屎森林中賞月，別有一番滋味。而這裏於九月份每個星期一及二做各國優質海鮮主題自助晚餐，追月日假期可以食到各地優質而且種類豐富的海鮮，波士頓龍蝦任食，又有即點即開的澳洲及美國生蠔不怕不新鮮，雪場蟹腳、珍寶阿拉斯加蟹腳、虎蝦、肥美翡翠螺等亦是任食，甚至有少見於自助餐的加菲蟹。
中秋中西日自助餐
9月14日晚上6時30分至10時，$408成人、$258小童
優質海鮮主題自助晚餐
9月15日晚上6時30分至10時，$408成人、$258小童
9月16日至30日逢星期一至四晚上6時30分至10時，$358成人、$218小童
ThePlace（35523200）
地址︰九龍旺角上海街555號旺角朗豪酒店L樓層
