古巨基噚日為新碟去美孚做宣傳，佢話會進軍潮服界，仲會去日本傾生意，佢話：「會有自己label嘅衫，頭炮會同i.t集團合作，我諗住呢個係我將來另一番事業。」記者話佢係繼陳冠希之後另一個潮服人，基仔話：「等我出咗個牌子先講，但我會自己做番model。」另外，佢接受商台電話訪問話已經入紙紅館申請開騷，但未知結果。