我係阿安，入行13年，𠵱家係鑽石山飯廳嘅師傅仔，我最擅長煮意大利菜同埋美式菜，蔬菜菜式我更加拿手，而呢度以西餐為主，風格上又滲入咗唔少其他地方嘅特色，所以好啱我做，有多方面發揮，所以我一做就做咗三年幾，如果有機會嚟食嘢，推介大家食「溫室菇蘆笋天使麵」，入面有好多菇菌及蘆笋，再用忌廉去炒，清新又香口，好多女仔都好鍾意。唔講好多人都唔知，我哋係屬鴻星集團，每年旗下中西菜廿幾間食肆都會「以菜會友」，派代表參加烹飪比賽，而我今年會用呢個「暖大蝦沙律」參賽，係蝦同我擅長的蔬菜做組合，我好有信心㗎，唔係都唔會用呢個菜出賽，不過贏輸唔係大問題，睇吓其他師兄嘅功夫，偷吓師，識吓朋友，都係好事。
飯廳（26280662）
鑽石山荷里活廣場2樓