附近一帶是拉票搶票據點，喧囂過後，還有一陣子熱鬧，便是謝票必經之地，一時團隊操過，一時開篷車慢駛。有些議員當選，靠選民一票一票的送進立法會，當然謝過，選民亦開心受落。但有些，人人都知幕後有操盤，選票服從分配、轉移，「謝」甚麼呢？去向阿公道謝好了，還做戲？
本屆選舉曲終人散，其實也算跌宕。有全軍覆沒，黯然引退，也有險勝揚眉，高票奮進。
這天等電梯時，聽得樓下管理員與清潔阿嬸抬槓。阿嬸問：「你投咗邊個？」「梗係要投曾鈺成啦。」「不過蔡素玉保唔住噃。」阿叔竟氣憤：「至衰嗰個葉劉──人家當初咁幫佢，佢搶晒人D票。」阿嬸氣定神閒：「咁咪叫做引蛇入屋拉雞仔咯。」「哼！你估你老公呀？」──笑得我。
立法會有葉劉？不要緊，也有毓民、長毛、大嚿三猛男呀（這些外號多唬人）。日後大把人頭痛，煲呔民望繼續插水，保皇黨建制派也得磨利把嘴，否則蝕章。
誰會坐上立法會主席三煞位？懷念范太對付頑劣長毛又哄又鬧又趕，幾乎有「母子情意結」。范太棄選，頂上的如果是葉劉或曾鈺成，當然好戲連場。以優雅止戈的余若薇，冇咁好玩。符符碌碌的保皇奴才，等於送死。我最有興趣知道：誰？