由黃麗梅主持的亞視節目《豪遊天下》昨日出海宣傳，更找來袁彌明、亞姐冠軍張家瑩、徐自賢及楊嘉雯以泳裝撐場。袁彌明上月剛約滿無綫，問到是否有意簽亞視時，她說：「黃麗梅話遲啲同公司傾開個talkshow畀我做，但係𠵱家乜嘢都未傾。」她表示今次也只收車馬費。
袁彌明對於宿敵葉翠翠近日被無綫雪藏，她說：「我梗係唔會同情佢喇！佢嘅情況同我之前俾無綫雪藏係一樣，佢成日放料傳媒，今次仲搞到丘凱敏，唔係我黑心呀，呢一年佢不停咁放料，𠵱家咁樣都算公平，雖然咁罰佢係遲咗，但都算對其他藝人公平。」
「做任志剛個位」
對於葉翠翠賣樓賺一百萬，她說：「佢好聰明！兩層樓每個月要供成十幾萬，喺TVB就搵唔到㗎喇，炒股我就唔知，我覺得佢應該貢獻下香港，炒股咁叻，去做任志剛個位幫助下香港市民。」
採訪：王崇穎
攝影：陳志嵐