食得月餅多，滯滯哋當然要食番啲蔬果；西甲嘅皇家馬德里，呢排就好似酸楊桃咁，楊桃外形夠晒靚仔，切開佢好似星形咁，真係同皇馬呢隊銀河艦隊夠晒襯。不過原來呢個皇馬楊桃只係得個樣，食落勁酸；中堅軒斯呢排慌失失，代表阿根廷踢世界盃外圍賽，輸個肉酸波，結果球隊主場只迫和巴拉圭1:1；洛賓、雲達華治、希古恩呢啲加盟就雷聲大，踢落就雨點少。
「西甲芋頭」紐文西亞
芋頭外表粗糙，幾蚊斤夠飽肚，紐文西亞猶如「西甲芋頭」；今季升上西甲，球隊總支出只有450萬歐元，連美斯一年人工都不如。不過上仗已經由馬里奧馬天尼斯一箭定江山，搞掂巴塞呢支富豪隊，個馬里奧馬天尼斯年薪只得12萬歐元，只係魯爾83分之1；今次嚟到巴拿比奴，「芋頭」又可唔可以再打低「酸楊桃」呢？
中秋夜
酸楊桃vs芋頭
皇家馬德里vs紐文西亞
開賽時間：周一1:00am
直播：有線61及64台