劉若英（右）噚日喺台北為11月嘅演唱會舉行記招。入行13年嘅佢，從來冇公開過戀情，所以俾唱片公司封為「單身天后」，但係佢師傅張艾嘉（左）就用歌名《為愛癡狂》嚟形容劉若英。原來劉若英曾一度想為愛情退出演藝圈，佢話：「我曾對他（男友）說不要工作了，但他說不用。」遭男友否決，令到佢好失落，但究竟男主角係邊個？同埋交往咗幾耐，佢就一律唔肯講。