噚日李連杰到咗新加坡出席財經雜誌《福布斯》（Forbes）舉辦嘅環球CEO論壇，同場嘉賓仲有當地資政李光耀。李連杰對住台下450位富商觀眾大談佢嗰個壹慈善基金，興奮到七情上面，李連杰話唔想等自己退休先去幫人，佢話︰「𠵱家中國嘅小孩好幸福，所有嘢一開口就有，但我想對佢哋灌輸一個信念，就係去同人分享，有時捐出一蚊，人哋就可以分享到呢份愛心。」