有番咁上下年紀嘅球迷一定有玩過燈籠，唔係用電池，而係放支蠟燭點着火，然後拖住佢遊公園的款式。想當年男孩子多數揀坦克車燈籠，鬼咩，有支大炮好鬼勁咁；不過大炮唔會響，玩得兩玩，玻璃紙好易就熱到熔，一係就着埋火㖭。
維拉硬淨似「黑馬」
熱刺買咁多人，英超都未「開齋」，柏夫里約真高？似唔識響嘅大炮囉，得個「擺」字；阿士東維拉就好似白兔仔燈籠，外表溫溫文文，擺明唔會爭標，冇咩殺傷力；不過起碼夠硬淨，由迎月玩到追月都唔會爛，上仗對利物浦仲差啲贏埋，呢啲「黑馬」，我信季尾排名維拉會高過熱刺㗎！
追月夜
坦克車燈籠vs白兔仔燈籠
熱刺vs阿士東維拉
開賽時間：周二3:00am
直播：now632