韓星裴勇俊嘅魅力認真沒法擋,日本靜岡縣一名52歲師奶fans不惜為俊哥鋌而走險,虧空公款超過1,450萬港元,日前喺當地落網。據知呢位喺郵局工作嘅女士,過去16年嚟多次透過客人嘅戶口私自轉賬,盜用超過1,450萬港元。佢話當初只係為咗幫外公醫病而犯法,其後因為迷上俊哥,偷番嚟大部份錢都花費喺追星度。