意甲「酸楊桃」肯定就係AC米蘭，呢隊波「XX足球先生」就大把，數落卡卡、朗拿甸奴、舒夫真高粒粒皆星，不過打落就冇料到；意甲揭幕戰，對住隊升班馬博洛尼亞都可以主場輸1:2，認真失威。今仗更有加度素代表國家隊出戰時斷手，卡卡仍然養傷中，靠「大肚腩」朗拿甸奴同「生銹刀」舒夫真高，同皇馬名大於實嘅程度有得揮。
熱拿亞失意兵爭氣
熱拿亞情況冇紐文西亞咁窮，但財力肯定只係意甲中游，為錢都要將首席射手波里路，賣畀今仗對手AC米蘭；好彩都有廸亞高米列圖回流，同一班失意兵柏拿甸奴、費古羅亞打爭氣波。如果中秋夜AC米蘭再贏唔到呢隊「芋頭隊」，好似藍鑽石呢啲AC躉肯定心酸到追月夜。
中秋夜
酸楊桃vs芋頭
熱拿亞vsAC米蘭
開賽時間：周日9:00pm
直播：有線61及64台