日本人氣男星小栗旬出名花弗，早前同女星山田優高調公開戀情，不過有八卦網站直指佢哋假拍拖。據一名行內人爆料，小栗旬同山田優嘅戀情只係由事務所安排，希望為花弗嘅小栗旬洗底，女方就想借機會提高知名度。呢位仁兄仲話小栗旬仍然四出媾女，同山田優只係好朋友，佢哋每次見面都同大班人一齊，之後各有各走，一啲都唔似拖友。