曾志偉昨日與傅明憲齊齊代表香港愛護動物協會到順利長者鄰舍中心送贈月餅，還與長者唱歌玩遊戲，志偉更深受長者歡迎，大家也爭相與他合照和握手，事後傅明憲感謝志偉支持外，還笑稱自己「搵啱對象」為公公婆婆製造歡樂。
有指曾志偉擔任陳慧琳（Kelly）的婚宴司儀，不過，志偉卻表示至今還未收到邀請，他說：「我唔知，佢都未請我，我連喜帖都未收到，佢叫到我一定做，仲會專登喺溫哥華飛返嚟㖭！」
雖然近日圈中接二連三傳出喜事，不過昨日正值是美國911襲擊7周年，加上又得悉不少地方先後發生地震，志偉有感而發地說：「以前都冇咁多天災，以為科學昌明，可以同自然對抗，但原來係冇可能，所以𠵱家我覺得最緊要係日日開心。」
採訪、攝影：何慧斯