【本報訊】OL北上購物，一時興起洗牙念頭，結果抱憾終生，她不幸感染丙型肝炎，這不單止可能惡化成肝癌，更有可能傳染伴侶及孩子，終生背負心理包袱。醫生提醒市民，牙床的血液豐富，病毒及細菌可以隨破損的黏膜入血，傳染多種疾病，洗牙是高危活動，選擇牙科治療時切忌貪平，要留意有關機構的信譽。 記者：張嘉雯
女患者（22歲）去年10月隨母親到深圳，路經一間大型牙科中心，「佢哋本來係去買嘢，點知見到幢大樓好亁淨，又好平，就入咗去洗牙」。她的主診醫生、急症科專科醫生胡詠儀指出，女事主回港後出現低燒、骨痛、胃脹、疲倦、無胃口等症狀，持續一星期，檢查後證實患上丙型肝炎，由於病毒可以潛伏兩星期至六個月，根據女事主提供的資料，感染極可能與洗牙有關。
病毒隨破黏膜入血
「呢個係一個長遠嘅healthrisk（健康風險），所以個女仔都好唔開心，佢媽咪都係，覺得好內疚，佢哋都係第一次喺內地洗牙。」她解釋，因為牙床的血液豐富，牙肉黏膜沒有皮膚的鱗狀表層，細菌可以隨破損的黏膜入血，洗牙的工具必須用高純度75%酒精消毒，浸泡半小時至一小時，「唔好為咗慳少少錢，就冒上健康嘅風險」。
胡詠儀解釋，常見肝炎分甲、乙、丙三型，甲型與進食受污染海產類食物有關，痊癒後可以免疫；但乙型及丙型至今仍沒有根治方案，患者會一直帶着病毒，可以透過血液、性接觸及母嬰傳染，「以單一性伴侶嚟計，丙型肝炎傳染伴侶同BB嘅風險細過1%，雖然用避孕套可以預防，但係如果要生BB就唔可以用」。她補充說，外科手術、共用針筒、針灸、穿耳、紋身、面部針清等，都可能傳染丙肝。
用干擾素但價錢貴
丙型肝炎是隱形殺手，不少人病發期找不出病因，病毒會一直潛伏在體內，容易傳染開去，估計本港帶病毒者少於0.5%，「乙型肝炎容易復發，但可以食藥控制住，而且已經有疫苗預防，但丙型嘅病毒會不斷改變，唔能夠長期食藥，只能夠一直用干擾素，但係價錢好貴，一個月要幾萬蚊，唔係人人都負擔得到」。
胡詠儀又指出，約七成急性丙型肝炎患者受感染後成為長期帶病毒者，當中兩成人會在20至30年後演變為肝硬化，約一成人會演變成肝癌。
