林峯昨天接受商台訪問，談及剛推出其第二隻唱片，他表現興奮，會自掏腰包買數百張唱片送給朋友，他說：「我會買嚟送畀朋友，其實呢隻碟背後有好多人都幫過我。《家好月圓》嘅人就一定人人有份啦！」緋聞女友鍾嘉欣便一定收到唱片，林峯說：「鍾嘉欣話自己會買，不過今次我有兩個唱片封套，所以佢買咗一隻，我就送另一款cover嘅碟畀佢。」
「唔係玩玩吓」
今次出碟，林峯指心情與以前不同，他說：「第一次出碟時，人哋唔會覺得我係歌手身份，只覺得我係演員。但今次唔同，我對音樂並唔係玩玩吓。」對於有傳鄭嘉穎與周麗淇因佘詩曼介入而感情亮紅燈，他說：「我好耐冇見佢哋，唔知佢哋嘅嘢，呢啲聽完就算！」
採訪、攝影：王連連