導演許鞍華前日喺日本福岡榮獲「第十九屆福岡亞洲文化獎」，佢唔單止係首位香港導演攞呢個獎，仲係首位女性獲得呢項殊榮，而黑澤明、侯孝賢同張藝謀都先後攞過呢個獎，而頒獎禮連日本嘅王子同王妃都有出席，大會仲請咗喺日本發展多年嘅陳美齡訪問許鞍華，而佢致辭時話感謝父母同香港嘅創作自由，令佢可以好自由咁追求自己嘅興趣。