恒指噚日收報19999.78點，網友南極戰士認為呢個係「告急數字」，佢大呻：「估唔到連個天都要玩我，兩萬點收市唔得嘅。」牛頭人就話：「其實都算收兩萬點喎，四捨五入嘛！」Mikaka冇怨天：「唔係個天玩你，係人為嘅。」佢所講嘅人為應該係指大戶。
大戶fullcontrol
Sheungcham就好敬佩大戶班精算師，「喺收市前10分鐘內就將咁多成份股比重計到咁準，真係真心佩服佢哋。」但Wiley仍然嫌條數唔夠靚，「咁都叫準？恒指收19999.99點先叫做準嘛！」乜要求咁高。野勁話：「呢個世界有電腦㗎，點使好辛苦計。」otws亦搭嘴：「大戶只需郁吓隻手指，要恒指幾多點收市，就幾多點㗎啦。」
disgust.com.hk好閉翳：「今勻真係但願『熊』長久。」yknife2004認為：「即係話畀你班散戶同阿爺聽，大戶已經fullcontrolofHSI，明玩你，吹咩。」