陳慧琳（Kelly）昨日到訪土瓜灣一間長者中心，出席「美心月餅陳慧琳敬老賀中秋」活動，Kelly除即場派發月餅外，又與老人家大玩遊戲，更有長者fans要求簽名。其後Kelly接受訪問，提到自己甚受老人家歡迎，又指自己與未來奶奶一定會相處融洽。
揀定兩件婚紗
Kelly笑着說：「我同老人家相處都OK㗎，所以同奶奶都應該冇問題，因為又唔係一齊住，同埋我有嘢一定會開聲講。奶奶咁耐以嚟都冇話過我，反而聽到我新歌會話好聽，知我做奧運又讚我叻女，可能佢知我一定唔會行差踏錯啦。」
問到如何令奶奶開心時，Kelly笑說：「結婚囉，之後抱孫囉，我入行之前奶奶已經好錫我。」後來被問到結婚細節時，她又說：「會有兩件婚紗，不過未知啲衫趕唔趕得切畀我影結婚相，同埋會結婚前幾日先放假，唔使放咁多喇，悶死我咩，日日喺屋企漚。」
採訪：藍文浩
攝影：陳志嵐