李嘉欣昨日穿上價值5,300元的D&G秋冬新裝，到銅鑼灣出席她設計的手提包及鞋履展覽。早前有報道指她與男友許晉亨當街吵架十分鐘，她初時表示未有看過報道，其後叫記者形容相片及報道，其中有相片是她用手推亨亨肩膊，她聞言才表示在網上看過，她說：「我係用手掂佢膊頭，我哋唔係嗌交。」
食漢堡包和好
記者再問嘉欣拍拖以來可有吵架？她說：「咁會有啲唔同意見，佢好遷就我，大家意見唔同一定有，男友係一個好大量嘅人，所以嗌唔成。」記者再追問可有試過嬲到拂袖而去？嘉欣說：「兩個相處要互相遷就，我覺得自己好好彩。」她可覺得男友是個好脾氣之人？她笑說：「表面就係。」報道又指他們吵架翌日，亨亨買漢堡包𠱁她賠罪，嘉欣說：「我哋係一齊食，我唔使男友買嘢畀我，咁太物質，我自己都有啦。」
採訪：羅慧敏
攝影：陳志嵐