台灣天后蕭亞軒，早前喺新歌嘅MV裏面，特別搵咗武打明星吳京同佢拍一場武打戲，拍完佢話武打好玩，希望有導演搵佢嘗試拍打片。噚日馮仁昭喺尖沙嘴洲際酒店嘆咖啡，咁啱見到蕭亞軒約咗擅長拍大型動作電影嘅導演陳木勝密斟，佢哋聯同公司幾個同事喺咖啡室傾咗成個鐘，睇嚟佢想做打女嘅願望好快實現。