蘇玉華噚日喺多倫多接受商台長途電話訪問，最近佢獲得亞洲文化協會利希慎基金獎，嚟緊12月會拎獎學金去美國深造一年，基金會包晒佢全年食宿、學費同機票，仲會有零用錢。阿蘇不論學術交流、睇表演、樂器乜都想試，佢打算飛到去美國先決定學乜，原來佢男友之前都獲得呢個基金獎，今次佢就搵鍾景輝、毛俊輝同杜國威做推薦人。