我係潘振超，你可以叫我阿超，27歲，9年前入行，在蘇浙同鄉會出身，最擅長係做冷盤，例如醉雞、油燜笋、熏魚等上海冷菜。
帝苑東來順名廚陳國強師傅係我師兄，後來就嚟咗呢度幫手，跟師兄合作後學到唔少嘢，亦擦出唔少火花，最有特色就係今年做咗一系列嘅風味海鮮冷盤，而當中我最滿意係手上呢碟「麻香小象拔」，入口清新，有別一般上海冷盤，用海鮮來做，加上川式但減辣的調味，令人覺得清爽又惹味。做得冷盤多好少埋鑊，好多兄弟都笑我無火，邊個話？我就畀啲火大家睇，今年參加中華廚藝學院「全港青年廚師中餐烹飪比賽」，我就以「脆柳香麻辣子蝦」得優異獎，將牛柳絲炸到好似脆鱔咁，個蝦球都外脆內爽，連師兄都讚，邊個話我無火？
東來順（27332020）
地址：尖沙嘴麼地道69號帝苑酒店B2