王菀之早前為商台唱咗首歌《城市綠洲》幫港人打氣，佢仲幫呢首歌拍MV，喺MV裏面王菀之着晒行政套裝，扮演一個資深嘅地產經紀，去鼓勵初入行嘅新人。唔知係咪套衫太逼真，呢個「冒牌」地產經紀王菀之企喺街拍MV時，真係有途人走埋去問佢有關樓盤嘅資料，後嚟先至知道佢係歌手王菀之，大家笑完一輪，對方仲搵佢攞簽名㖭。