莊思敏、馬偉豪及陶傑等前晚現身太古城，出席由香港導演錢文錡執導、一班日本AV女優主演的情慾片《金瓶梅》試映會，事後莊思敏說：「全場只有我同助手係女仔，我未試過睇呢啲戲，最色情係呢套，一開始男女主角已經肉帛相見，真係好尷尬，梁敏儀都有大膽演出，好驚訝。」
抗拒親熱戲
問莊思敏會否介意男友吳浩康看這些電影？她謂看沒所謂，但不能拍，也不會跟男友一起看，她說：「叫我行騷着透視冇問題，但拍戲有身體接觸就唔好，男朋友拍戲同女星有少少接觸都冇問題，但唔可以太激，唔使做晒成個過程。」
此外，婚後明顯心廣體胖的馬偉豪，坦言與成班朋友來看《金》片有犯罪感，但他仍大讚日本AV女優演出自然。問他有否興趣拍情慾片？他說：「色情就唔好，官能上暴力血腥都有興趣。」
採訪：何永寧
攝影：黃偉雄