〈早飛倉〉上周五首次同大家見面，戰友畢傑兄先聲奪人，先中西班牙細，又中墨西哥開大，跟買嘅老友應該執唔少，亦都搞到小弟好大壓力；既然畢傑中「西牙」，我就搵另一隻「牙」，博葡萄牙世界盃外圍賽主場贏丹麥。
通常新教練接手，都有一段蜜月期，葡萄牙由前曼聯助教基羅斯接手，似乎開個頭都唔錯，上仗大勝馬耳他4粒；冇C朗令隊波更為平均，拿尼、沙保沙、曉高艾美達都有波入，總好過08歐國盃咁，好似C朗一個人打晒，一人主義邊有運行；而且今仗係基羅斯領軍第一場主場正式比賽，點都博番場好好睇睇嘅大勝，博主W之餘，「讓球主客和」「主勝」都敲得過。
串北韓D烏拉圭「主勝」
丹麥就似乎有不進則退之感，近年出頭嘅新人，只得賓特拿同丹尼爾艾格；之前丹麥特別搵西班牙「拍跳」，諗住適應吓南歐踢法，點知主場都輸3粒，我有睇場波，丹麥面對控球能力強球隊，真係波皮都好難先掂到；而且丹麥連續打兩場作客，體力亦都輸蝕，今次喺「葡京」里斯本，相信都難逃大敗。
周三世界各大洲都有世界盃外圍賽，亞洲方面，就有南、北韓話題戰；北韓就「掛名」主場，實際喺上海對南韓；呢對寃家近年碰頭都經常和波，之前世界盃第3圈兩度交手已經和局收場，今次再追和波；南美洲方面，烏拉圭攻力不比巴西、阿根廷差，上場作客哥倫比亞都贏埋，而且有科蘭、蘇亞雷斯等前鋒壓陣，主場面對作客極差嘅厄瓜多爾，贏3、4球冇問題。
牽牛
難啃早餐
星期三17
荷蘭博唔過
荷蘭外圍賽一向慢熱，之前兩場友賽都贏唔到；馬其頓主場一向甚惡，上屆世盃外圍賽曾令荷蘭失分，一於再博冷。
周中早飛超級重心
星期三6
白俄羅斯勝[-1]（1.6）
睇過安道爾輸兩球畀英格蘭場波，根本只係英格蘭屎，唔係安道爾守得好，白俄羅斯上仗作客對烏克蘭爭啲偷到雞，信希比博白俄大炒。
星期三22
北愛爾蘭勝[+1]（1.8）
北愛上仗輸波，不過呢隊波主場有保證，歐國外贏過西班牙同瑞典，面對嚴重褪色嘅捷克，保得住唔輸。
星期三34
美國勝[-1]（1.67）
美國一向屬中北美洲外圍賽之王，之前3場小勝只因作客，返到主場，面對仲要靠約基嘅千里達，大炒冇難度。
〈早飛倉〉
主菜：星期三29葡萄牙勝（1.48）@800
渾水摸魚過關：星期三1北韓和（3）x星期三29葡萄牙勝[-1]（2.35）x星期三31烏拉圭勝[-1]（2.05）3x4@100
今日早餐價錢：-$1,200
上日賺蝕：+$715
早飛倉投注後結餘：$99,315
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。