郭富城日前到上海出席下個月18號喺金山足球場舉行嘅巡迴演唱會記者會，今次係城城闊別上海8年再到當地開演唱會，為咗有好嘅演出，佢推咗10場商業演出，賺少咗近千萬都冇所謂。城城演唱會門票發售當日，第一個鐘頭銷量已經突破100萬人民幣，為咗答謝歌迷，城城送上親筆簽名嘅特別版演唱會門票畀排到頭位嘅歌迷，搞到fans不知幾開心。