許志安、盧巧音、官恩娜、關楚耀和劉浩龍昨日到九龍灣，為明天於會展舉行的新城唱好音樂會綵排。盧巧音下月將推出自己首本散文集，當問到有否關於感情的內容時，她即提到已與年紀相差12年的紋身師傅男友分手，她說：「唔關姊弟戀事，只不過性格問題。𠵱家搵緊㗎喇，30零歲有啲錢就OK，睇吓神州大地十幾億人，實有啱嘅。」
安仔秘撈似做鴨
至於許志安則透露計劃推出經典加新曲唱片，當中更會著書加入自己初入行捱苦的經歷，他說：「大概90年嘅平安夜，女朋友當時喺酒店等我食飯，我就接咗一連三場嘅秘撈騷，點知去到場地原來係夜總會，仲係咁俾人用粗口鬧，搞到好似做鴨咁好唔開心，後來去到酒店就同女朋友一口氣食晒當晚2,000幾蚊歌酬。」
採訪、攝影：藍文浩