何韻詩、劉浩龍、張敬軒及小肥，前晚到亞洲博覽館演出「SavethePlanet2008」音樂會，宣揚環保訊息。問到好友陳奕迅傳搬往5,000萬獨立屋豪宅，劉浩龍表示：「佢冇講過，未開party，唔知係咪5,000萬，朋友唔會問呢啲。」他稱考慮買相架送給他們作禮物。
阿詩表示有兩位台灣朋友到場看騷，之前她和朋友到山頂蠟像館遊覽，阿詩稱：「我第一次去，見到師傅（梅艷芳）個蠟像，我又同郭富城同劉德華蠟像合照，平時見真人未必會影。」
另外，軒仔表示為愛犬而長期開冷氣，由於愛犬愛上床和他睡，結果搞到他細菌感染失聲，他笑說：「我隻狗係女仔，佢見到男仔好興奮。」
採訪：胡比
攝影：陳順禎