黎明、李克勤、陳慧琳（Kelly）、衞蘭、衞詩、光良及一班藝員包括胡定欣、曹敏莉、謝天華、洪天明和緋聞女友周家蔚等，前晚在將軍澳無綫電視廣播城參與演出《萬眾同心公益金40周年》。
曹敏莉和胡定欣皆穿上吊帶低胸火紅色裙表演跳舞，胡定欣被猛男抬起擘開雙腿，做出一連串高難度動作，意態撩人。曹敏莉則先後與謝天華和香港先生羅天宇大跳社交舞，其上圍相當突出，性感養眼。
「結咗婚乜都做得」
克勤表示在後台有和準新娘Kelly碰面，問到有沒有教她怎樣做個賢內助？他笑說：「總之學阿倫（譚詠麟）一句，教佢嗰招倒掛金鈎，一代傳一代，我領悟到個錦囊，結果一索得男，希望Kelly同老公參詳吓，唔明就打畀阿倫。我唔知係男用定女用，我唔講，佢自己參詳。」之後問Kelly，她表示有即場叫克勤示範，但對方即時逃走，Kelly笑說：「我諗住問佢正確點做，係咪踢一腳就有，點踢先生女。」
再問Kelly會否與未來老公研究克勤推介的招式？她竟直說：「有乜唔夠膽試，結咗婚乜都做得，我對呢招好有興趣，一索得男，提佢示範吓先。」
嘟嘟助網民玩阿姐
此外，司儀鄭裕玲（嘟嘟）竟拿阿姐汪明荃開玩笑。事緣日前金牌奧運選手來港出席大滙演，阿姐因為喝窒選手而被網友勁鬧，又聲稱成立「反汪明荃聯盟」，前晚節目中有位外籍魔術師表演，但過程甚慢，在旁的鄭丹瑞笑言叫嘟嘟催促他快一點，她聞言笑說不敢，因擔心會有反嘟嘟大聯盟，擺明窒阿姐。
採訪：李珮洳 攝影：葉君海