楊千嬅前晚以「聽覺大使」身份，到理工大學賽馬會綜藝館演出「妙手仁心關懷聽覺慈善音樂會」，千嬅表示以前錄歌戴耳筒調校的音量都是大約5至6度，但現在已經要增至8至9度，她認為自己的聽覺能力大不如前。有消息指千嬅經常半夜離開緋聞男友丁子高住所坐的士歸家，千嬅說：「我冇坐的士好耐，而自從上次塌樹後都好少揸車，通常坐保母車，由司機接送，同埋近嚟都少出夜街，好深閨，如果我真係去佢屋企都實畀人影到。」
有和Edison聯絡
另外，有報道指千嬅打針瘦面，她笑說：「可能佢哋想用第二個方法話我減肥，我唔怕做封面，但啲相千祈要靚。」至於有指她姣媾早前來港表演的奧運金牌選手林丹，千嬅表示在大滙演表演當日只是和他合照和讚他球技了得而已。
此外，日前有指千嬅出席麥浚龍（Juno）胞兄旗下雜誌活動，但最後她都沒有出現，問到身為Juno死敵陳冠希（Edison）契姐的千嬅是否倒戈支持Juno？千嬅謂：「公關搞錯，我係唔去，不過我都鍾意Juno，佢咁投入工作，咁有心機做嘢，我好欣賞，正如好似Edison支持農夫咁。」千嬅又表示有和Edison以MSN聯絡，但就未有透露是否想回港。
採訪、攝影：藍文浩