小妹一個人喺村屋住，兩房一廳連露台，都有成700幾呎，住就住得好舒服，但係放工返嚟要做家務都幾係嘢，再加埋養咗隻高竇貓，單係吸塵、抹地、消毒等，真係做到「阿四」咁。早幾日約咗專賣日本高科技產品JCShop嘅老闆肥仔Alan出嚟食飯吹水，咪同佢呻吓囉。
掃地吸塵殺菌
Alan笑笑口話，啱啱喺日本引入咗當地最新嘅第四代Robotda拖地機械人QQ-3，呢部機械人同上一代唔同嘅地方，係集合掃地、吸塵、抹地、紫外線殺菌於一身，「如果屋企有養寵物，呢部機仲更加好使好用，佢會將寵物嘅毛髮同塵分開處理，塵還塵，毛還毛，清理垃圾塵盒會方便好多」。
Alan開着部機示範，QQ-3馬上喺地板游嚟游去，走勻全場，底盤不時閃出啲紫外線，部機仲超靜㖭。
Alan話，QQ-3有時間掣，夠鐘會自動自覺周屋吸塵，充滿電可以運作約一小時，跟住佢會自動自覺好似泊車咁，返去充電座充電，「主人返工前set好時間掣，咪等佢自己吸塵囉，佢有紅外線感應裝置，會自動避開障礙物，仲會避開樓梯位，唔怕跌落樓」。Alan話，QQ-3原價賣$4,880，𠵱家賣$3,880，減幅約20%。
電郵：mailto:[email protected]
逢周六、周日刊出