樂基兒（Gaile）前晚與AnaR.、CaraG.等齊齊為YSL新推出唇膏行騷，其中以Gaile的造型最為性感，她真空上陣，穿着了品牌最經典的「LeSmoking」deepv黑色套裝，隱約露出南半球，性感造型，成為全場焦點之餘，並由YSL的外籍化妝師YannickVaudry為她的朱唇化妝。自言已做足安全措施嘅Gaile，竟然失守，露出貼在乳房的膠紙，認真老貓燒鬚，事後她笑笑口表示：「黐得好實，用咗好多雙層膠紙，黐咗兩層。」
讚程菲年輕又cute
問Gaile知否有不少網友認為她的樣子與中國體操金牌選手程菲相似，她笑言：「登咗出嚟嗰兩張相都幾似，不過佢年輕好多，cute好多，佢哋（網友）用番我5，6年前嘅相嚟比較，我嗰時都細個啲。」
記者又說亦有人覺得程菲與鄭欣宜的樣子相似，Gaile表示：「夠有人話我似欣宜啦，大家都係中國人有啲角度似啫！」問到男友黎明是否最鍾意她的一張朱唇？Gaile即笑言：「佢鍾意我嘅頭腦。」
汪圓圓恐電話外洩
此外，甄子丹姨仔汪圓圓大呻遺失了剛買了一個月的iphone，她表示：「入面儲存嘅電話號碼好多都係用真名，所以好驚會外洩，好彩個電話有密碼鎖，仲有最好彩係電話入面冇乜嘢親熱相啫，但係我𠵱家仲係好嬲自己，因為我好少唔見嘢，所以嬲自己唔小心。」
採訪：梁錦雯，顏英儀
攝影：陳順禎
