我係細雄，唔係大雄，所以無叮噹幫我。我靠自己努力，希望做到少少成績。18歲嗰年入讀中華廚藝學院，係第一屆學生，當年有1,000人報名，面試只取錄50人，我就憑「食係每個人需要，我會做好佢。」成為被取錄之一員，展開我入廚生涯。到「明閣」開，我就入來做，一做就兩年幾，喺度真係學到好多，而呢度有個招牌海生蝦炒蛋白，係我花咗唔少心機去做好嘅菜式，呢個菜講求賣相亁淨，入口嫩滑，但初初學經常炒老晒，又有鑊焦好難睇，但我在公餘時間，花咗兩個星期，終於俾我成功咗，真係好有滿足感。而今年中華廚藝學院搞少年廚神大賽，我以「仙蹤白玉龍皇蝦」得優異獎，又得集團內「夏日潮流新煮意」冠軍，令我對自己越來越有信心，我會努力！
明閣（35523300）
旺角上海街555號朗豪酒店6樓