社民連前晚喺九龍公園舉行造勢大會，最後衝刺谷盡選情，據講當晚本來有一對重量級嘉賓到場，可惜臨時有事不能現身。
據講呢對重量級嘉賓係倪匡、倪震父子，兩人早就應承為社民連站台，今次唔係受到任何壓力而甩底，而係因為倪太日前跌倒入院，兩父子忙於照顧倪太，因此不能為老友出力，有啲可惜咁話。
暫未有補飛安排
雖然倪匡父子不能出席造勢會，但如果說到周慧敏到場做代表就好啦，事關好多後生仔、電車男係社民連擁躉，若「玉女掌門人」肯開腔呼籲佢哋投票畀社民連，效果或者同倪匡父子差唔多，社民連今鋪真係捉到鹿唔識脫角。
好彩今日投票日仲有機會補飛，社民連可以搵倪匡、倪震父子幫手落區拉票，不過八方聽聞暫時未有安排，唔通社民連勝券在握，唔使碌爆人情卡？