紅星「亮亮」媾過唔少女明星，每次佢都係傷盡女人心就離開，所以啲前度女友提起佢都會數臭佢。
好似同佢拍過拖嘅「慧慧」，當年同亮亮同居嘅時候，有晚慧慧因為開夜班，留低亮亮一個喺屋企，原本佢好內疚陪唔到男友，點知劇組出咗一啲問題，嗰日開咗幾粒鐘就收工。
第三者爬渠
慧慧半夜收工諗住畀個驚喜亮亮，點知打開屋企度門，俾佢見到有個女子正喺度爬水渠走人。由於當時太黑，慧慧睇唔清楚呢個女子係邊個，但佢好快就知道係邊個嘞！因為亮亮好快就同呢位女星合作。本來經過呢次事件佢仲未夠決心同亮亮掟煲，只係後嚟俾佢再捉到一次，佢先至傷心欲絕同佢分手咋！
Textby關仁
