榮雪梅、鄧永鏘前妻張淑儀和名媛周譚蕙菁等早前跟子女拍攝親子照，為微笑行動籌款。榮雪梅第一次跟9歲兒子Charles齊齊出鏡，不過兒子不諳中國文化，不明白為何被安排穿功夫背心和黑褲耍雙截棍，故匿入廁所喊，此事激發起榮雪梅要催谷兒子認識中國文化，以及認同自己中國人的身份。
法國著名鞋履品牌RogerVivier和著名攝影師夏永康合作舉行慈善相展，於今日起一連四天舉行，為微笑行動籌款。相展以「母親與孩子」為主題，展現親子間的真善美、愛與關懷，大會還找來五位名媛帶同子女上鏡，包括榮雪梅、鄧永鏘前妻，即前藝員張淑儀以及FranckMuller香港代理周國勳太太周譚蕙菁等，全部由夏永康操刀拍攝。
榮雪梅帶同甚少出鏡的9歲兒子Charles拍照，榮雪梅穿上名牌服飾和高跟鞋，兒子則着白背心坐在地下玩雙截棍，構成一個有趣的對比。榮雪梅昨日接受電話訪問，透露影相當日兒子走入廁所喊，她說：「我事前問咗佢，帶咗T恤同牛仔褲，諗住影半個鐘頭就走，攝影師好好，佢諗到話叫囝囝打功夫，同我企埋得意啲，仔仔好少着中國衫，唔明點解要着白色背心同黑布褲，所以匿入廁所喊。」
下年赴英升學
不過影完相後，榮雪梅也有得着，她說：「可能係我少少失敗，平時冇畀佢接觸中國文化，去親旅行都去歐洲，我諗未來要多啲帶佢去中國大陸，我唔想佢唔知自己係中國人。」她又透露計劃下年讓兒子到英國升學，故此想兒子快點認識一點中國文化，她說：「要用最後一年催谷佢，等佢有啲身份認同。」
周譚蕙菁和囡囡周穎詩十分合拍，拿着clutch互相玩，她說：「影相嘅時候好快樂，好多表情都不自覺咁流露出嚟。」
採訪：DebbieLum、RitaLeung
