港股上個禮拜終於打破僵局，出現突破，不過就係向下而唔係向上，恒指20000關都守唔住，收市勉強企喺19900樓上，呢兩日升唔升得番上20000點樓上，對股民心理有重大影響。
照計花旗股市上周五由低位反彈，應該會畀港股一啲支持，不過花旗政府會接管兩大房貸公司，暫時唔知市場點反應。
港鐵C輪13688：港鐵（066）上周五收25.30元，喺50日線都算守得幾穩，短線可以買啲C輪13688，博正股重上26.50元，隻輪現價15.5仙，有效槓桿7.5倍。
正股升上26.50元，13688可見21仙，正股跌穿24.60元就沽咗隻輪止蝕。