【本報訊】「成班都係笨賊嚟㗎，一睇就知唔係打慣劫啦!」4名年過半百的雀友，憶述劫案時滔滔不絕，嘲笑賊人粗枝大葉，將一幕驚險的「持槍劫案」變成鬧劇，談笑自若。
被偷走的財物包括洗衣店女東主的鑽石手錶、藍寶石戒指、金頸鏈連玉墜，以及各人的手提電話和10,000元現金，大部份已經起回。不過其實賊人相當「求其」，並沒徹底搜索。
手袋內有四萬保不失
姓郭士多老闆娘表示，洗衣店女東主的手袋內有4萬元，竟然沒被賊人搜出，「佢個手袋係LV，賊人又唔攞!」裝修公司老闆手戴的是貨真價實的「帝舵」名錶，但賊人拿起後卻說：「假嘅!」丟在地上。郭婦說，要感謝騎單車捉賊的青年，對方將賊人棄下的部份贓物送回士多給她。郭說：「如果唔係佢踩得快，都捉唔到賊啦!」
遇劫事主之一的貨車司機亦「馬後炮」：「睇佢支槍就知假啦，彈簧都跌出嚟!不過，得我後生啲，兩個女人一個阿伯，點夠佢4個人打喎!」女士們畢竟有顧忌，洗衣店女東主聲言不再來打麻雀，郭婦亦說：「拉閘先打囉!」