港股上周五跌穿二萬點之後，身邊不少年內已對股票「愛理不理」的散戶，忽然紛紛猛問現時究竟入得市未？有乜股票買得？大市才剛失守二萬點，即有一班散戶欲舒展筋骨殺入股海，大家認為呢個現象反映乜嘢？個市又有冇咁快跌完呢？
股市波動，經濟又趨放緩，銀行業肯定首當其衝。滙控（005）股價上周五出現大成交急跌，銀行股板塊已響警號；再望多幾隻大價銀行股走勢，發現原來渣打（2888）走勢一樣唔多盞。
候180元買第一注
渣打上周五以大成交裂口暴瀉，低見193.60元，再創52周新低，最後收195.90元，跌11.10元或5.4%，渣打短線尋底未完，就算要博反彈，亦宜候跌至180元水平才買第一注。
渣打6月初股價最高仍有291元，三個月後今日幾乎跌足100元，可見長揸股票唔止蝕亦非常危險。